Nëse do t’ju kërkohej të krijonit shkurtimisht një skenë horror në banjë, e para që ju vjen ndërmend, me siguri është ajo kur një kafshë del nga tualeti juaj. Na lejoni t’ju themi se diçka e tillë, për dreq, ka gjasa të ndodhë. Ka ndodhur! Më poshtë do të ndeshni 3 gjallesa që mund të shfaqn një ditë të tmerrshme, teksa ju bëni dush apo më keq akoma, kryeni nevojat personale.
Gjarpër
Një mëngjes, një grua australiane u kafshua nga një gjarpër që ishte fshehur në tualetin e saj. Për fat të mirë, nuk ishte helmues. Nëse jemi mësuar të dëgjojmë histori të tilla, të lidhura me gjarpërinjtë në Australi, diçka e ngjashme ka ndodhur edhe në vende të tjera të Shteteve të Bashkuara të Amerikës. Gjarpërinjtë mund të futen në banjën tuaj përmes tubave të kanalizimeve (pasi shumica e tyre janë notues të mirë) ose tubave të ventilimit.
Mi
Minjtë, për fat të keq, janë gjithashtu në mesin e krijesave që kanë probabilitet të lartë për t’u shfaqur në tualetin tuaj një ditë. Ata janë gjithashtu notarë të mirë dhe mund të shihni përmes disa videove në YouTube, se sa lehtë kalojnë nëpër tubat e kanalizimeve. Sidoqoftë, këto raste janë të rralla dhe ndodhin atëherë kur kafsha është në kërkim të ushqimit.
Bretkosa
Bretkosat, këto krijesa të vogla e të buta mund ta vizitojnë gjithashtu banjën tuaj, pa leje. Vitin e shkuar, një pushtim masiv prej tyre ndodhi në Mbretërinë e Bashkuar dhe shkak ishte hedhja e tyre në sistemin e ujërave të zeza.
Por si mund të veproni ndaj një ndodhie të tillë?
Nëse e gjeni veten në këtë situatë, mos u frikësoni. E mira është të mbyllni me shpejtësi kapakun e tualetit dhe të vendosni diçka të rëndë mbi të, për të parandaluar arratisjen e gjallesës. Gjithashtu duhet të mbyllni derën dhe të vendosni diçka (rroba, letra) në hapësirat boshe të saj.
