Një pyetje e thjeshtë: Ju duket ide e mirë të hidhni ujë të nxehtë mbi veten ose mbi dikë tjetër? Nuk po tentojmë të bëjmë asnjë sondazh për këtë sepse e dimë që përgjigjja është JO.
Pavarësisht se çfarë mendimi kemi ne, Sfida e Ujit të Nxehtë po përhapet me shpejtësi nga të rinjtë në internet.
Një shënim para se të vazhdojmë: MOS E PROVONI KURRË!
Po çfarë është Sfida e Ujit të Nxehtë?
Ashtu siç mund ta imagjinoni, kjo është një shaka e tmerrshme e internetit dhe sfida funksionon kështu: Duhet të hedhësh ujë të nxehtë mbi veten ose dikë tjetër ose ta pish përmes një pipëze.
Dhe më pas nuk është aspak çudi të pësosh lëndime. Ky është edhe rasti i 15-vjeçarit Kyland Clark në Amerikë, i cili u shtrua në spital pasi miqtë i hodhën ujë të nxehtë sipër trupit, ndërsa ai flinte.
“Në pasyrë pashë se lëkura ime po binte kudo”, u shpreh adoleshenti.
Kjo sfidë fillimisht u zbulua në gusht të vitit të kaluar, kur disa fëmijë të moshës 10-11 vjeç u shtruan në spital pasi e provuan. Një 8-vjeçare ndërroi jetë pasi një kushëri e detyroi që të provonte ta pinte ujin e nxehtë me pipëz.
Burimi: Cosmopolitan
