Videoklipi i ri i Cardi B dhe Megan Thee Stallion ka bërë xhiron e rrjetit prej 4 ditësh dhe pjesëmarrja e Kylie Jenner në klip u komentua gjatë.
23-vjeçarja u shfaq në klip me veshjen e saj leopard, në një korridor të frymëzuar nga ai në filmin “Alice In Wonderland” (Eliza në botën e Çudirave).
Mirëpo, 30 sekondat e Kylie-t nuk janë pritur aspak mirë nga audienca që ka shpërthyer në komente negative, duke e konsideruar pjesëmarrjen e saj në klip si neveri.
Madje, në rrjet po qarkullon edhe një peticion për të hequr Kylie-n nga klipi: “Videoja ishte perfekte deri sa pamë K dhe unë desha të hidhja telefonin tim”, shkroi krijuesi.
Për të gjithë ata që po prisnin një përgjigje, Cardi B ka reaguar në një reagim në Twitter, duke sqaruar njëherë e mirë këtë muhabet.
“Norman-i bëri gjithë kërcimin dhe Kylie thjesht hapi një derë. Nëse kjo nuk është një indikacion i femrave me ngjyrë që duhet të bëjnë gjithçka dhe femrave të bardha që bëjnë minimumin për të arritur diku, nuk e di çfarë është. Normani është një nga artistet më të mira femra që kërcen shumë mirë. Pse duhet të hapi një derë? Si mund të ketë kuptim kjo? Pjesa më e bukur e këngês është “beat-i”. Jo çdo gjë është për racën. Ka çështje për racën që unë flas vetë gjithmonë, por kjo nuk ështê për racën”.
Gjithashtu, për shfaqjen e Kylie-t në videoklip, reperja tregoi se e dëshironte praninë e saj, pasi ajo u soll mjaft mirë me motrën dhe vajzën e saj në një festë.
Gjithashtu ajo shtoi se Travis dhe bashkëshorti i saj, Offset janë miq të ngushtë dhe se mamaja e Kylie-t, Kriss i ka dhënë shpesh këshilla.
U morëm vesh tani?
