Rrjetet sociale, veçanërisht Instagrami në ditët e sotme është kthyer në një biznes të mirëfilltë.
Të shumtë janë përdoruesit të cilët pasi arrijnë një numër të konsiderueshëm ndjekësish, me anë të postimeve të tyre fitojnë para. Dhe po pa frikë, ndonëse nga rehatia e përdorimit të telefonit kudo, kjo është një punë për to.
Një influencuese ruse e modës e quajtur Veronika Loginova pretendoi se mund të kalonte deri në gjashtë vjet burg për përdorimin e Instagramit. 18-vjeçarja bëri një shpërthim publik në faqen e saj ku shfaqi dokumentin e dërguar nga qeveria ruse.
Sipas një raporti të lajmeve nga Vice News, pavarësisht faktit se Loginova përdorte llogarinë e saj vetëm për të diskutuar çështje të modës dhe bukurisë, ajo u akuzua për “veprimtari ekstremiste”. Në rrjetin social, influencuesja numëron më shumë se 550 mijë ndjekës.
Sipas OJQ-së ruse të të drejtave dixhitale Roskomsvoboda, zonja Loginova është individi i parë që ndiqet penalisht pasi një gjykatë ruse ndaloi Instagramin dhe Facebook-un për aktivitete “ekstremiste” në mars, si pasojë e pushtimit të Ukrainës.
Veronika ndodhej në Paris kur mori një telefonatë nga nëna e saj duke thënë se policia kishte ardhur në shtëpi në kërkim të saj.
Në dokumentet që ajo pretendonte se kishte marrë nga prokurorët rusë, Loginova akuzohet për “kryerje të akteve për të joshur përdoruesit në rrjetet sociale Facebook dhe Instagram”.
