Martin Shkreli, një nga shqiptarët më të urryer në Shtetet e Bashkuara të Amerikës, i cili bleu një ilaç jetik për të sëmurët me HIV-Aids dhe e rriti çmimin shumëfish më shumë, është rikthyer sërish në qendër të vëmendjes.
I dënuar me 7 vite burg në SHBA për mashtrim me prodhimin e ilaçeve, Shkreli ka kërkuar lirinë për të gjetur kurën ndaj COVID-19.
Ai kërkon vetëm 3 muaj liri, dhe shprehet se gjatë kësaj periudhe, nën mbikqyrje të rreptë, do të kontribuojë për gjetjen e një kure për të mposhur virusin vdekjeprurës.
Ndryshe nga ilaçi për të sëmurët me HIV-Aids, Shkreli thotë se këtë herë nuk do që të përfitojë në asnjë formë nga medikamenti për koronavirusin.
Në një letër hulumtimi 11-faqesh të postuar në faqen e internetit të Prospero Pharmaceuticals, kompania që Shkreli e themeloi në maj 2015, sipërmarrësi i burgosur shtron tetë ilaçe ekzistuese që mund të përdoren për të trajtuar COVID-19, sëmundjen e shkaktuar nga koronavirusi.
Martin Shkrelit iu dhanë shtatë vjet burg nga gjykatësi i rrethit të SHBA, Kiyo Matsumoto, pasi u dënua në 2017-n për gënjeshtra ndaj investitorëve në dy fonde të dështuara.
Shkreli bërtiti pasi gjykatësit që dha vendimin dhe deklaroi se ka bërë shumë gabime. Ai madje kërkoi falje, por u dënua me 7 vite burg.
/FORBES
