Epidemia e koronavirusit po bëhet edhe më tepër serioze në Itali.
Deri më tani janë 6.387 pacientë të infektuar me një rritje prej 1,326 personash në krahasim me dje (+ 26.2% brenda një dite).
Numri i viktimave ka shkuar në 366. Të dhënat u siguruan nga Komisioneri Angelo Borrelli në konferencën për shtyp për Mbrojtjen Civile.
“Sot ka 33 të tjerë të shëruar, të cilët bëhen 622 (+ 5.6%). Ne regjistrojmë 133 vdekje, gjithsej 366,” shtoi ai. Numri i përgjithshëm i rasteve totale të Koronavirusit është 7.375. Kjo numëron, përveç njerëzve aktualë pozitivë, të shëruarit dhe të vdekurit”.
Lombardia është rajoni më i prekur nga epidemia Covid-19 duke marrë parasysh që nga 366 që vdiqën nga virusi në Itali, 267 janë vetëm në Lombardi, e barabartë me 72.9% të totalit.
56 vdekje të tjera ndodhën në Emilia Romagna dhe 18 në Veneto. 6 rajone të tjera numërojnë midis 1 deri në 7 viktima secili.
Disa orë pasi qeveria italiane vendosi që të bllokojnë lëvizjen në Lombardi dhe 14 provinca të tjera, Kompania ajrore “Alitalia” njoftoi se nesër do të ndërpresë operacionet nga aeroporti i Milanos për shkak të gjendjes alarmante. Vendimi vjen Nga aeroporti i Rinasit në Shqipëri për në Milano nuk ka fluturim direkt me kompaninë “Alitalia”. Fluturimet nga Italia vijojnë normalisht nga Rinasi në Itali, pavarësisht se Kosova dhe Maqedonia i ndërprenë sot.
