Autoritetet shëndetësore greke njoftuan mëngjesin e kësaj të shtune se dy njerëz njerëz të tjerë kanë ndërruar jetë nga Koronavirusi, duke çuar numrin e vitkimave në tre.
Një nga viktimat është një pacient 92-vjeçar, nga qyteti Ptolemaida, në Greqinë veriore. Ai ishte shtruar në spital pasi rezultoi pozitiv me Koronavirus në 11 mars. Dy nga të afërmit e tij gjithashtu kanë rezultuar pozitiv.
Viktima e dytë është një burrë 67-vjeçar nga ishulli Zakynthos i cili ishte në mesin e grupit të udhëtarëve në Izrael dhe Egjipt në fund të shkurtit.
Të enjten, një burrë 66-vjeçar vdiq në një spital në Patras. Mësuesi në pension, nga Amaliada, Peloponez, ishte gjithashtu në mesin e këtij grupi turistësh prej 53 personash.
Shumica e shokëve të tij, përfshirë edhe gruan, janë infektuar nga virusi. Disa janë shtruar në spital në Patras; të tjerët janë në izolim në shtëpi.
Autoritetet shëndetësore greke njoftuan të premten se numri i rasteve të konfirmuara të diagnostikuara me Covid-19 është rritur në 190.
Shqipëria ka mbyllur kufijtë ajrorë dhe tokësorë me autobus me shtetin fqinj, në kuadër të masave për të frenuar përhapjen e Koronavirusit.
/Greekreporter.com
