Ka shkuar në 38 numri i rasteve të infektuara me COVID-19 në Shqipëri.
Ministria e Shëndetësisë ka bërë me dijë pak minuta më parë se vetëm në Tiranë janë 22 raste të personave të infektuar me Koronavirus.
Deri më sot janë testuar 505 raste të dyshuara me Koronavirus në vendin tonë ndërkohë që vetëm 38 kanë dalë pozitivë.
Aktualisht 12 persona gjenden të shtruar në spitalin Infektiv nga Tirana, Durrësi, Fieri, Lushjnja dhe Rrogozhina.
Dy të tjerë janë në terapi intensive, një 66-vjecar nga Lushnja dhe një 61-vjecare nga Fieri. Ndërsa pjesa tjetër e të shtruarve në pavion janë në gjendje të stabilizuar deri në këto momente.
“Në 24 orët e fundit nga ana e Institutit të Shëndetit Publik në bashkëpunim me epidemiologët e Njësive Vendore të Kujdesit Shëndetësor, ka vazhduar pa u ndalur puna në terren, për identifikimin e rasteve dhe për gjurmimin e kontakteve të rasteve të konfirmuara tashmë me Covid-19. Dua t’ju bëj thirrje edhe një herë të gjithë qytetarëve, të respektojnë rregullat e reja dhe të qëndrojnë në shtëpi. Të kufizojmë rrezikun sa më shumë të jetë e mundur!”, tha drejtoresha e Institutit të Shëndetit Publik, Albana Fico.
Rastet e konfirmuara pozitive:
Tiranë 22 raste
Durrës 5 raste (njëri prej të cilëve ka ndërruar jetë)
Lushnje 2 rast
Elbasan 2 raste
Fier 5 raste
Rrogozhinë 2 raste
/Iconstyle.al
