Mbi 1000 persona janë konfirmuar të pajetë në qytetin indonezian të Palu-së pas tërmetit dhe cunamit të fuqishëm që e goditën të premten.
Numri i viktimave pritet të rritet ndjeshëm pasi ekipet e shpëtimit të mbërrijnë në zonat thellë, ku nuk kanë hyrë ende. Autoritetet kanë nisur t’i vendosin viktimat në varre masive nga frika e përhapjes së sëmundjeve. Me dhjetëra vetë mendohet të jenë ende të gjallë nën gërmadha.
Katër ditë pasi tërmeti me magnitudë 7.5 shkaktoi një cunami që u përplas me qytetin Palu, vendi ka bërë bëri thirrje për ndihmë ndërkombëtare pasi po lufton për të përballuar shkallën e rëndë të katastrofës. Autoritetet kanë shpallur gjendjen e jashtëzakonshme 14-ditore mes frikës së një shpërthimi masiv të sëmundjes të shkaktuar nga trupat e dekompozuara.
Një burg në qytetin e Palu-së, i ndërtuar për të mbajtur vetëm 120 vetë – u hap duke lënë të lirë 581 të burgosurit, të cilët dolën nga muret e rrënuara nga tërmeti. Autoritetet thanë se të burgosurit kanë shfrytëzuar rastin për t’u arratisur.
“Linjat e komunikimit janë dëmtuar dhe prania aq e nevojshme e këtyre makinerive është e ulët, nuk kemi mjaftueshëm pajisje për numrin e madh të ndërtesave të shembura”, tha zëdhënësi i agjencisë kombëtare të katastrofave natyrore.
Burimi: The Telegraph
