Në shumë vende të botës janë rikthyer masat kufizuese për parandalimin e përhapjes së Covid-19. Kështu ka vendosur të bëjë dhe Austria e cila para pak ditësh u trondit nga një sulm terrorist.
Në Austri do të rikthehet në një izolim të dytë kombëtar, e cila do të zgjasë dy javë e gjysmë.
Kancelari Sebastian Kurz u ka kërkuar popullit të respektojnë masat e Covid-19 për mos tu takuar me asnjë person jashtë shtëpisë së tyre në përpjekje për të frenuar një rritje të shpejtë të rasteve.
Ai është shprehur se shkollat do të mbyllen dhe studentët do të mësojnë online nga shtëpia derisa masat e reja të hyjnë në fuqi ditën e martë.Masat e reja mbyllin të gjitha dyqanet dhe shërbimet jo-thelbësore deri me datë 6 dhjetor, duke njoftuar njerëzit të punojnë nga shtëpia.
Që nga fillimi i pandemisë e deri më tani në këtë vend janë regjistruar më shumë se 191,000 raste dhe 1,661 vdekje të lidhura me Covid, duke u bërë shifra nëntë herë më e lartë e valës fillestare.
Sipas ministrit të Shëndetësisë Rudolf Anschober ky është shansi i fundit për të ndaluar kolapsin e shërbimit shëndetësor nën presionin e infeksioneve të reja.Rudolf është shprehur se populli austriak e kishin bërë atë një herë dhe mund ta bënin përsëri.
Gjatë valës së pare të pandemisë në muajin mars, Austria pati bllokimin e saj të parë mbarëkombëtar.Në fillim të këtij muaji, kryeqyteti Vjena ka marrë masa duke vendosur një bllokim të pjesshëm, duke përfshirë një shtetrrethim nga ora 20:00 deri në 06:00.
/gazetareforma/
