Sipas Eurostat, për 9 muajt e parë të këtij viti kanë aplikuar për herë të parë për azil, 15,469 shqiptarë të tjerë, ndërkohë që për të njëjtën periudhë të një viti më parë numri i aplikimeve ishte 12,835.
Vendi me numrin më të lartë të aplikimeve për herë të parë nga Shqipëria e zë Franca, me 570 aplikime të reja.
Gjithashtu Mbretëria e Bashkuar po kthehet një destinacion për azilkërkuesit shqiptarë, ku në dy muajt e fundit të raportuar renditet në vendin e dytë të BE-së me aplikimet më të larta nga shqiptarët.
Në muajin shtator u regjistruan në Mbretërinë e Bashkuar 356 azilantë.
Më pas renditet Greqia, me 215 aplikime, apo 12% të totalit dhe Irlanda me 191 aplikime apo 10% e totalit.
Në Gjermani aplikuan gjatë muajit shtator 130 shqiptarë, ndërsa në nëntor aplikuan për azil 145 shqiptarë të tjerë.
/Monitor
