Kjo fundjavë u mbyll me reshje shiu afatshkurtra në zonat fushore dhe reshje dëborë në zonat malore.
Por këtë javë, sipas sinoptikanëve shiu do të largohet në zonat malore, duke ndaluar kështu edhe reshjet e dëborës.
“Duke filluar nga dita e hënë dhe në vijim do të kemi kthjellime në territorin shqiptar duke bërë që vranësirat të jenë më të paktë dhe të fokusuara kryesisht në zonat malore. Kjo javë do të jetë më e ngrohtë se ajo që lamë pas. Temperaturat do të vijojnë nga vlerat negative në ato pozitive. Përsa i përket vlerave termike pritet që ato të shënohen më -4 dhe -5 gradë celsius në zonat malore, ndërsa përgjatë ultësirës perëndimore pritet që vlera maksimale të shënohet 15 gradë celsius”, shkruan “Meteoalb”.
