Një helikopter u rrëzua mbi çatinë e një ndërtese, në lagjen Manhattan të New York-ut, duke shkaktuar vdekjen e pilotit. Ndërtesa është evakuuar dhe nuk raportohet për të lënduar të tjerë.
Guvernatori i New York-ut, Andrew Cuomo, tha se flakët e shkaktuara në ndërtesën 54-katëshe, po vihen nën kontroll. Ai shtoi se raportet paraprake tregojnë se helikopteri bëri ulje të detyrueshme. “Njerëzit që ishin në ndërtesë thanë se ndërtesa është dridhur”, tha Cuomo.
Incidenti ndodhi rreth orës 14:00, sipas orës lokale, shkak për këtë duket se është bërë koha me shi.
