Yolanda Hadid po shijon shumë eksperiencën e të qenurit gjyshe dhe këtë e shfaq edhe në rrjetet sociale.
Për herë të parë ajo e ka kaluar ditën e Falenderimeve si gjyshe dhe e gjithë familja e ka festuar këtë ditë në shtëpinë e Gigi dhe Zayn, që ishin kujdesur në detaj për çdo gjë.
E teksa shijuan festën me pjesëtaren më të re të familjes, Yolanda u kujdes që të ndante me ndjekësit pak nga atmosfera e tyre plot dashuri.
Ish-modelja holandeze postoi në Instastory një foto të lezetshme ku shihej vajzën e saj, Gigi, me të voglën e saj në krahë dhe duke i dhënë asaj një puthje në faqe.
“Ti je rrezja ime e diellit”, shkroi gjyshja krenare krahas fotos.
Yolanda po ashtu postoi edhe një foto ku shihej me krushkën e saj, nënën e Zayn Malika, Trisha.
Ato shihen tek pozojnë krah njëra-tjetrës të buzëqeshura, duke na kujtuar edhe një herë se nga rrjedh bukuria e Gigit dhe Zayn.
Kujtojmë se Gigi mirëpriti fëmijën e saj të parë me Zayn Malik në shtator, teksa çifti i famshëm ende nuk e ka zbuluar emrin e saj, megjithëse fansat e kanë quajtur vajzën e tyre ‘Zigi’.
Çifi duket se ka vendosur po ashtu për ta mbajtur vajzën e tyre larg vëmendjes për javët e para të jetës së saj, dhe kanë ndarë deri tani foto duke e fshehur portretin e saj.
Pë festën e Halloween Gigi poston këtë super kartolinë ku shihet së bashku me Zayn, i cili po mban vajzën në krahë.
Javën që lamë pas super modelja na ëmbëlsoi me një foto të adhurueshme me të bijën, teksa ka treguar gjithashtu ambientin e festave në shtëpinë e tyre.
Kësaj here, dekorimet janë vënë më herët pasi e vogla feston Krishtlindjet e para.
View this post on Instagram
