Çdonjëri prej nesh duhet të mbajë një dietë të shëndetshme në mënyrë, që të mbikëqyrë peshën, por dhe shëndetin e tij.
Dieta duhet të sigurojë një marrje të kufizuar të kolesterolit ditor dhe yndyrave, sidomos atyre shtazore.
Dieta duhet të përmbajë:
-kolesteroli nën 300 mg në ditë
-yndyrat shtazore nën 10% të kalorive ditore dhe
-yndyrat totale nën 30% të kalorive ditore
Dieta duhet të sigurojë një nivel të përshtatshëm të fibrave ushqimore të tretshme (karbohidrate komplekse) të pranishme në ushqimet me origjinë bimore. Fibrat veç efekteve të tjera me vlerë për shëndetin kontrollojnë edhe kolesterolin në gjak.
Dieta duhet të sigurojë një konsumim minimal të sheqerit industrial, që dëmton balancën e glukozës në gjak dhe mund të ndikojë në rritjen e triglicerideve
Konsum i përditshëm:
Ujë jo më pak se 1.5 lt në ditë
Drithëra 3 herë në ditë apo në çdo vakt, si buka e zezë e grurit, buka e misrit, makaronat, orizi
Fruta dhe perime 3-5 herë në ditë, sa më të yndyrshme
Një lugë gjelle me vajra bimorë, sidomos vaj ulliri, vaj misri, vaj luledielli,
Qumësht dhe bulmet me përmbajtje të ulët yndyrore, jo më shumë se dy herë në ditë, si qumësht i skremuar, djathë i bardhë, kos, gjiza
Regjimi ushqimor shoqërohet me aktivitet fizik, për 30 minuta
Konsumi i përjavshëm:
Peshk – 3 herë në javë
Mish dhe nënproduktet e tij – 3 herë në javë
Fasule dhe bishtajore të tjera – 2 herë në javë
Patate – 2 herë në javë
Vezë – 2-3 herë në javë
Fruta të thata, ullinj – 3 herë në javë
