Çanta mbahet në dorën e majtë
Një aksesor që s’mungon kurrë për ne, lëre pastaj për gratë e familjes mbretërore, është çanta. Nëse i vëmë re, Meghan dhe Kate e mbajnë gjithmonë çantën në dorën e majtë, thjesht sepse me të djathtën takojnë njerëzit.
Funde, fustane, jo pantallona
Mbretëresha vetë nuk i vesh kurrë, kurse Kate dhe Meghan shikohen rrallë, shumë rrallë me pantallona.
Gjatësia e fundit? Dy gisht sipër gjurit!
Le të themi se gjyshet tona mund të kenë qenë më të emancipuara në këtë aspekt.
Manikyri me ngjyrë nuk lejohet
Gjithmonë me manikyr ngjyrë neutrale: rozë e lehtë, ose thjesht shkëlqyes, sepse asgjë nuk shkon më shumë me një gotë birrë të turbullt.
Mbretëresha dërgon mesazhe përmes çantës
Nëse do të largohet nga një darkë, i mjafton të vendosë çantën mbi tavolinë dhe s’ka nevojë për “hajde mo ikim.”
Kur e kalon çantën nga njëra dorë tek tjetra, do të thotë se biseda ka marrë fund me të.
Çantat e dorës quhen çanta për dekoltenë
Siç mund të shikohet, çantat e dorës janë aksesori perfekt për të ruajtur dekoltenë.
Kapelet duhet, jo mund të vendosen
Janë një traditë e familjes mbretërore britanike, pasi koka e zbukuruar është tregues përkatësie në një rang më të lartë. Prandaj edhe vajzat e familjes mbretërore bëjnë kaq shumë eksperimente me kapelen.
Një kostum i zi me vete për çdo rast
Është pjesë e protokollit sepse, nëse diçka e padëshiruar i ndodh një pjestari të familjes, veshja e zezë duhet të jetë gati.
Ky rregull u vendos në 1952-shin, kur asokohe Princesha Elizabetë, gjendej në Kenya kur mësoi lajmin për humbjen e babait. Asaj iu desh të priste në avion derisa dikush i dërgoi kostumin.
Dukesha Kate e vesh princin George vetëm me pantallona të shkurtra
Jo vetëm sepse duket kaq i lezetshëm me to, por mbi të gjitha sepse pantallonat e shkurtra për djemtë e vegjël janë traditë e aristokracisë.
Po kështu edhe të voglin Louis.
Fundeve u qepet një copë e rëndë që të mos i fryjë era
Për të mos u përsëritur incidenti i Kate Middleton-it në 2011-ën, mbretëresha ka një truk të vogël dhe shumë të thjeshtë: rrobaqepësit e saj qepin copa të rënda tek pjesa e fundit. Bëhet fjalë për copa perdesh, jo ndonjë shkencë.
