Ai konsiderohet një ndër reperat më të suksesshëm në Shqipëri. Pothuajse çdo mbrëmje ai e ka të rezervuar me koncerte brenda dhe jashtë vendit dhe kudo ku ai performon, sallat janë gjithnjë të mbushura plot.
Megjithatë, rruga e suksesit nuk ka qenë aspak e lehtë për reperin e njohur. Në një shkrim në “Instagram”, Noizy ka rrëfyer se jo gjithnjë i ka pasur mundësitë për të arritur diçka në jetë, megjithatë ai është përpjekur duke punuar fort për të arritur atë që dëshironte.
“Të arrish diku, duhet krijuar rruga. Të ngjitesh lart, në fillim duhen ndërtuar shkallët. Për shkallë duhet drurë i prerë, duhen gozhda dhe metër. Për t’i blerë këto pajisje duhet sakrificë, punë; dhe pse fitimet mbase nuk janë shumë të mëdha, por duhet bërë për të krijuar shkallët. Kështu fillohet suksesi. Njerëzit mendojnë për finalen pa ditur se si niset. Në fillim kam punuar shumë pa mundësi, shumë net pa gjumë. Pastaj kam krijuar mundësitë dhe idetë më janë zhvilluar gjatë rrugës”, shkruan reperi shqiptar në “Instagram”.
Pra, nuk është dhe aq e lehtë të jesh një ndër më të pëlqyerit.
Burimi: Instagram
