Bashkëshorti i Lirisë, gruas që u mbyt tragjikisht në gropën me ujë bashkë me të bijën, në një fshat të Pogradecit, ka bërë mes lotësh rrëfimin e tij në emisionin “Shqiptarët për Shqiptarët”, në “News 24”.
Ai tregon se tani i ka rënë një barrë e rëndë mbi supe, pasi duhet të kujdeset i vetëm për tre vajzat e vogla, ku njëra është vetëm 1 vjeçe.
“Unë isha në Maqedoninë e Veriut më thanë të është mbytur babai, gjatë rrugës qaja babain. Po më binte të fikët pashë në shtëpi babin gjallë, më tha unë jam mirë por…një i afërm më tha që vajza ka rënë aksidentalisht dhe u mbyt. Unë nuk po shikoj nusen i thashë, më thanë nuk kemi një atje më ra të fikët. Nuk e përballova dot. Jam me një ndihmë ekonomike”, tregon bashkëshorti i Lirisë.
Ndërsa vajza e madhe, tregon e tronditur momentin kur pa mbi ujë shapkat e nënës dhe motrës së saj.
“Isha tek arra dhe afrohem shikoj shapkat tek gropa me ujë, u tremba, pastaj gjyshi gjeti mamin atje, e ngritëm bashkë. Më tha gjyshi shko në shtëpi”, tregon vajza e madhe.
https://youtu.be/Ljzg2aFZoiY
