Xhemi Shehu, e cila e nisi karrierën e saj në televizion në vitin 2003 si velinë e “Fiks Fare”, sot është një ndër moderatoret më të dashura të ekranit tonë. Pavarësisht se ndër vite ka drejtuar programe të ndryshme, prej disa vitesh e shohim të prezantojë spektaklin e humorit “Portokalli”.
Një program pas të cilit Xhemi është dashuruar dhe sikurse e shprehu së fundmi në emisionin “Sekretet e Portokallisë”, ky është emisioni që po e mban atë ende pjesë të televizionit.
Moderatorja pranoi se nuk ka ndërmend të heqë dorë asnjëherë nga “Portokallia” dhe nëse do të ndodhte kjo, atëherë do të largohej edhe nga televizioni.
“Unë jam në televizion vetëm prej Portokallisë. E kam thënë dhe herë të tjera. Nuk më pëlqen të bëj asnjë program tjetër, ose të kem një program timin, ose format ku të jem vetëm unë prezantuese. Ndihem mirë. Më pëlqen shumë i gjithë ambienti, i gjithë formati. Nëse një ditë do e lë ‘Portokalli’-në do e lë fare televizionin dhe nuk do të bëj më asnjë gjë tjerë” , është shprehur Xhemi.
