Banorët dhe punonjësit në njërën prej Kullave Binjake në kryeqytet janë përfshirë nga paniku mesidtën e së hënës, pasi kati i fundit i ndërtesës është përfshirë nga zjarri, rreth orës 12:40.
Të alarmuar, ata kanë njoftuar zjarrfikësit të cilët kanë mbërritur menjëherë në vendngjarje duke bërë të mundur shuarjen e flakëve, ndërkohë që nga kati i fundit i godinës dilte një shtëllungë tymi.
Fillimisht dyshohej se tymi kishte rënë në zyrën e avokatit Maks Haxhia, i cili përfaqëson ligjërisht ish-ministrin e Mbrojtjes Saimir Tahiri, por sipas zjarrfikësve, zjarri ka ardhur si pasojë e një shkëndije elektrike në një kabinë.
Zjarri është vënë nën kontroll brenda pak minutash dhe mësohet se ka vetëm dëme materiale.
Burimi: Balkanweb
