Selena Gomez beson se ajo do të luftojë me depresionin dhe ankthin gjatë gjithë jetës së saj.
Duke folur për “Harper’s Bazaar”, këngëtarja 25-vjeçare pranoi se, ajo do ta vendosë shëndetin e saj në krye të prioriteteve për 2018-n, pas betejës së saj me çështjet e shëndetit mendor dhe pasi iu nënshtrua një transplanti të veshkave.
Ajo u zotua se, këtë vit do të bëjë më të mirën se vitin e kaluar: “Do të ndodhë, sepse e besoj atë për veten time. Dhe kushdo që më njeh, e di që unë gjithmonë do ta nis nga shëndeti dhe mirëqenia ime”.
“Kam kaluar disa probleme me depresionin dhe ankthin, të cilat i kam shprehur, por nuk mendoj se është diçka që do ta kaloj ndonjëherë. Nuk do të jetë ndonjë ditë, që unë të jem, “Ja ku jam, me një fustan të bukur, fitova!”. Mendoj se është një betejë, me të cilën do të përballem gjithë jetën time dhe e pranoj këtë, sepse e di që po zgjedh veten para gjithçkaje tjetër. E nisa vitin me atë mendim. Dua të sigurohem që jam mirë me shëndet. Nëse jam mirë, gjithçka do të rregullohet”, tha Selena.
Këngëtarja, e cila është një nga personat më të ndjekur në “Instagram”, foli edhe për rrjetet sociale.
“Kam një marrëdhënie të ndërlikuar me “Instagram”-in. Më ka dhënë një zë në mes të gjithë zhurmës së njerëzve, që përpiqen të rrëfejnë jetën time në vendin tim dhe më lejoni të them: “Hej, do ta postoj këtë dhe kjo do t’u shtohet 1,200 historive, që njerëzit mendojnë se janë interesante, por në të vërtetë nuk janë dhe nuk janë as të vërteta”.
Kështu që më fuqizon në këtë mënyrë, sepse janë fjalët e mia, zëri im dhe e vërteta ime. E vetmja gjë që më shqetëson është se, sa shumë i vlerësojnë njerëzit në moshën tonë në mediat sociale. Është një platformë e pabesueshme, por në shumë mënyra u jep të rinjve, përfshirë veten, një paraqitje të rreme të asaj që është e rëndësishme. Pra, po, është një marrëdhënie e ndërlikuar. Ndoshta një nga marrëdhëniet e mia më të vështira”, u shpreh Gomez.
Burimi: Daily Mail
