Ledina Çelo ka folur për herë të parë pas festivalit të Këngës në RTSH, për fustanin e tejdukshëm që u kometua së tepërmi në rrjetet sociale.
Në një intervistë për Gazetën Shqiptare, Ledina jep sqarimin e saj për atë çfarë nuk shkoi mirë në spektaktël. Përsa i përket prezantimit, këngëtarja shprehet:
“Nuk shkuan gjërat ashtu siç mendova. Dua të përmend vetëm një fakt, që nuk kalova asnjë provë të vetme të lidhur nga fillimi deri në fund me artistët pjesëmarrës. Më saktë, do të thosha që nuk u bë qoftë edhe një provë gjenerale. Gjithashtu, skenarin e kam marrë në dorë dy orë para shfaqjes, në dy netët e fundit. Nuk e them këtë për t’u justifikuar, por kjo është e vërteta. Kam ardhur në Tiranë 10 ditë para festivalit, kam ndenjur 5 ditë kot në hotel, duke mos patur asnjë material në dorë…”
Ajo foli po ashtu edhe për fustanin e famshëm të zi, duke na kujtuar dhe njëherë se ka gjithmonë dy versione të një historie.
“Unë e vesha me dëshirën time atë fustan, pasi edhe ndriçimi në atelie, ishte në parametrat e skenës kur bëmë provën. Gjithçka, siç e thashë më lart, ishte efekti surprizë i fotos së vjedhur me blic. …dua të përmend që ai fustan i zi që u përfol aq shumë, nuk ishte si qëllim në vetvete, por një foto e vjedhur me blic, me qëllime dashakeqe në drejtim të atij evenimenti. Kurrë nuk kam dashur të keqkuptohem e të ofendoj spektatorin”, është shprehur këngëtarja.
