Këngëtari i ri Butrint Imeri ka folur për herë të parë për një bashkëpunim me këngëtaren Tuna që dështoi pa filluar ende.
I ftuar në emisionin “Top Show Magazine”, ai ka rrëfyer ndër të tjerash për karrierën dhe projektet e tij të fundit. Sa i përket bashkëpunimit me Tunën, këngëtari u përgjigj se ky bashkëpunim mes tyre u anulua, pasi ajo kërkonte që të këndonte gjithë këngën.
“Ajo kërkoi që ta merrte këngën vetëm për vete kur unë i ofrova refrenin. Por kënga ishte e imja, pra e kisha bërë vetë dhe kështu që, e mbajta për vete!”, është shprehur Butrinti.
I pyetur se cila është këngëtarja e radhës me të cilën do donte të bënte një bashkëpunim, ai u shpreh: “Kam shumë dëshirë të bashkëpunoj me Elvanën, sepse më pëlqen shumë si këngëtare”.
