Ylli i “Dirty Dancing”, Jennifer Grey, e cila ka qenë e fejuar me Johnny Depp për nëntë muaj, ka folur së fundmi për aktorin e njohur.
“Duhet të kuptosh, Johnny Depp…është kaq i bukur, nuk ke parë kurrë mashkull më të bukur se ai…,” i tha Grey prezantueses televizive Drew Barrymore në emisionin e saj.
Grey i tha gjithashtu Barrymore se ajo ka qenë e fejuar me Depp dhe Matthew Broderick në periudha të ndryshme gjatë të njëjtit muaj në vitin 1988. Pasi ajo dhe Broderick u ndanë, Grey takoi Depp nëpërmjet agjentit të saj dhe ata u fejuan dy javë pasi filluan të takoheshin.
“Ishte me të vërtetë një shenjë se isha unë ajo që ishte problemi në këtë mes…,” i tha Grey-Barrymore për lidhjet që ajo ka patur me dy burra në të njëjtin muaj. “Thjesht mendova se ishte Zoti që më shpëtoi nga një situatë e keqe dhe menjëherë rashë në dashuri me Johnny Depp”.
“Më 12 gusht, shkrova në ditarin tim, ‘Jam e dashuruar, shumë e sigurt për herë të parë në jetën time… Ai është i sjellshëm, me humor, i zgjuar, i zhytur në mendime, i respektueshëm’”, shkroi ajo.
Çifti kishte një qen të quajtur Lulu.
Por sipas Grey, marrëdhënia ishte jetëshkurtër pjesërisht për shkak të sjelljes së Depp.
“Ai nisi të humbte fluturimet e tij për në LA pasi kishte fjetur jashtë mase ose… kur kthehej në shtëpi, ishte shumë xheloz dhe paranojak për gjërat që unë kisha bërë gjatë kohës që ai nuk ishte aty”, shkroi ajo.
Në ditar, ajo shkroi se e përfundoi fejesën me një shënim që la në dhomën e hotelit të aktorit Depp.
