Sam Asghari pohon se ai është një “person normal” pavarësisht se do të martohet me yllin multimilioner të popit Britney Spears.
Aktori dhe trajneri personal foli për GQ në lidhje me jetën e tij me Britney dhe tha se ditët e tij duken si të kujtdo tjetër.
“Unë nuk jam bashkëshort shtëpie. Unë jam një person normal. Kështu që bëj shumë pazar, sepse ndonjëherë kërkoj gjëra specifike përsa i përket dietës”, shpjegoi ai, duke shtuar se qëndron larg çdo sheqeri dhe ndjek një regjim të rreptë shëndetësor.
Pavarësisht dietës së tij “specifike”, Asghari e shmang dyqanin e ushqimeve shëndetësore për të famshmit, Erewhon për shkak të çmimeve të tij ekstreme.
“Unë nuk dua të shpenzoj 200 dollarë për diçka që mund ta blej për 60 dollarë,” tha Asghari. “Unë jam i kujdesshëm me paratë, sepse dua të ndërtoj një të ardhme për fëmijët e mi. Nëse keni ardhur në këtë vend, keni ardhur me një qëllim. Nuk vihet këtu për të bërë shaka.”
Kursimi i Asghari-t mund të jetë befasi duke marrë parasysh se me kë po martohet. Ai pranoi se ata balancojnë shpenzimet duke “këmbyer se kush paguan për darkën” sepse ai dhe Spears, nuk kanë një “llogari të përbashkët”.
“Ne udhëtojmë shumë dhe po dal me një vajzë që është shumë e shtrenjtë,” shpjegon ai, duke aluduar për pushimet e tyre të ndryshme tropikale në të cilat ata shkojnë zakonisht me avion privat.
“Ajo ka një shije të shtrenjtë, por unë përpiqem t’i inkorporoj edhe stilin tim të jetesës, dhe nëse do të varej nga unë, do të shkurtonim udhëtimet dhe do të qëndronim në një hotel shumë më të lirë, dhe ndoshta do të jetonim me 60 dollarë në ditë.”
