Ndonëse akoma jeton në një shtëpi me prindërit, Eno është në një lidhje dashurie për 6-vjetësh. Në një intervistë për INtv, gazetari i njohur shqiptar tregon duke qeshur se ata të dy janë njohur në pub: “Jo, nuk jemi njohur në Top Channel, jemi njohur në pub. Nuk ka qenë nga këto dashuritë me shikim të parë, por nga këto historitë që dalëngadalë vazhdoi” – thotë ai, duke shtuar se edhe Atena është pjesë e një strukture mediatike siҫ është Digitalb, por bën një punë në prapavijë, merret me produksion.
Ndërsa pyetjes nëse do të kemi së shpejti ndonjë dasmë, ai i përgjigjet: “Ndonjëherë më duket sikur duan më shumë të tjerët të martohem unë sesa dua unë të martohem. Këtë gjë e vë re sidomos te miqtë, kur thonë “hë, jepi, ҫ’bën…”, por më duhet ta mendoj. Në të vërtetë, unë shijoj më shumë dasmat e të tjerëve, por te vetja s’po e projektoj dot”.
Edhe pse Eno dhe Atena nuk kanë në plan ndonjë ceremoni martese së shpejti, ai tregon se për momentin po gëzon shumë për miqtë që ka rreth e rrotull dhe për të gjithë ata që gëzojnë ndryshimin e statusit të tyre.
