Conchita Wurst ka zbuluar sesi fitorja në Eurovizion i hapi rrugën për njerëzit në mbarë botën, ata që ishin njësoj si ajo.
Duke folur në një event të Booking.com të shtunën, këngëtari/ja austriake, e cila fitoi konkursin në vitin 2014, tha se fitorja në shfaqje ‘detyroi’ një bisedë globale rreth gjinisë.
“Ndjej se u detyruan disi, sidomos në Austri, ata duhej të mendonin se çfarë është mashkullore dhe çfarë është femërore. Pavarësisht nëse ata donin të mendonin për këtë apo jo. Kjo u pranua me të vërtetë”, tha 33-vjeçari/ja.
“Atëherë në vitin 2014, kishte shumë njerëz “queer” që sapo po hynin në tregun muzikor, Ru Paul’s Drag Race, Laverne Cox dhe Caitlyn Jenner, edhe pse ne e anuluam këtë të fundit”, shtoi ajo duke qeshur.
“Fitorja ime ishte me të vërtetë ndikuese duke u shndërruar në atë që është sot – të rinjtë sot janë kaq të sigurt. Ndjej pasiguri kur flas me një 18-vjeçar! Dhe mua më pëlqen. Më pëlqen ky lloj përparimi.”
‘Jeta ime ndryshoi plotësisht. Papritur keni njerëz që ju dëgjojnë. E gjeni veten në një tavolinë ku nuk jeni ftuar kurrë”, tha ajo.
“Për sa i përket muzikës në karrierë, kam punuar me kaq shumë njerëz të mrekullueshëm. Kjo është diçka që me të vërtetë e vlerësoj dhe jam shumë mirënjohës. Pasi të jeni anëtar i familjes së Eurovizionit, ata nuk ju lënë kurrë”, tha artistja.
Conchita, alter-ego e këngëtarit Thomas Neuwirth, u rrit në famë pasi fitoi Eurovision Song Contest 2014.
Ylli i muzikës fitoi njohje globale me fitoren epike në konkursin e këngës në Kopenhagen me këngën “Rise Like A Phoenix”.
Suksesi shënoi fitoren e parë të Austrisë në shfaqje që nga viti 1966.
