Aktorja Adriana Matoshi së fundmi është përfolur shumë për shkak të historisë së saj të dhimbshme lidhur me sëmundjen me të cilën i është dashur të përballet.
Mbrëmjen e djeshme, ajo ishte e ftuar në emisionin “Goca dhe Gra”, ku ka folur më hollësisht rreth jetës së saj personale.
Artistja rrëfeu momentin kur kuptoi se tumori në kokë iu rikthye pas nëntë vitesh.
“Ka qenë dita kur kam hyrë në ‘Big Brother VIP’, për të takuar Arjolën. Kam pasur shumë marrje mendsh, por u përpoqa të mbaj veten, që Arjola të mos e kuptonte. U vizitova të nesërmen dhe aty kuptova që kisha sërish tumor”.- u shpreh ajo.
Ajo u shpreh se sëmundja nuk e lejonte të shprehte çfarë donte:
“Nuk thosha dot atë që mendoja. Më ngecnin mendimet, ishte e vështirë”.
Ndërkohë, ajo tha se ka dashur ta thotë publikisht betejën e saj me sëmundjen me qëllim për të frymëzuar e për të mbështetur aya që janë në të njejtën situatë.
“Nuk doja t’i tregoja njeriu, por doja t’i jepja forcë dhe të tjerëve dhe bëra postimet në rrjetet sociale. Asgjë nuk është si shëndeti, s’ka lidhje as fama, asgjë tjetër”.
Sipas saj, komentet e ndjekësve i kanë dhënë shumë kurajo.
