Babai i ish-infermieres, Aurona Pelaj ka folur sërish për ngjarjen e rëndë të ndodhur ditën e djeshme në qendrën e të moshuarve “Orenda” në Pejë, ku u dhunua nëna e dëshmorit të UÇK-së, Taulant Nuraj.
Teksa ka folur për T7, ai është shprehur se gjendja shëndetësore e vajzës së tij nuk është e mirë.
Ai ka dhënë edhe disa detaje se si e ka marrë veshë rastin në fjalë, duke shtuar se edhe pse ka kërkuar falje, është shumë i shqetësuar me gjithçka çfarë ka ndodhur.
“Kur jam ardhe prej pune kane thane qe 10 minuta ka ndodhe ky rast. Tash une e kryje punen dikun 2:10-2:15 kish pas kry ky rast. Aiii sa jam shqetesu, shume sdi qysh bene ndryshe edhe pse kam kerku falje, marre”, tha ai.
Tutje, ai tha se sot ka angazhuar një avokat për rastin.
“Sot kam shku ne Polici e kam angazhu nje avokat, keq osht”, shtoi ai.
Ndërkohë shtojmë se është shtyrë seanca gjyqësore ndaj 3 infermiereve të Shtëpisë së Pleqeve “Orenda” për rastin e dhunës ndaj të moshuarës. Shtyrja është bërë me kërkesë të avokatëve të të dyshuarave, ndërsa nuk bëhet e ditur arsyeja.
Lidhur me rastin janë arrestuar tre persona, e dyshuara e cila shihet duke ushtruar dhunë, përgjegjësja dhe një infermiere tjetër. Dy të tjerat dyshohen për veprat “Dhënia e ndihmës” në kryerjen e dhunës si dhe “Fotografim apo inçizim i paautorizuar”.
Pas rastit makabër të dhunës ndaj të moshuarës është marrë vendimi për infermieret e shtëpisë së të moshuarve “Orenda” në Pejë.
Oda e Infermierëve të Kosovës ka marrë vendim për tërheqjen e Licencës dhe fshirje të Profesionistëve Shëndetësor nga regjistri i Odës për: Aurona Pelaj, Giltiana Neziri, Altina Rexhepi dhe Remzije Kuqi – Gashi. Ky vendim është marrë në një mbledhje urgjente me prokurorin, këshillin etik dhe kryetarin e OIK
