Rozana Radi do të rikthehet fuqishëm në skenë këtë fundvit me një emision investigativ që për herë të parë në historinë televizive do të realizohet vetëm nga femrat.
Në një intervistë për “Bluetooth”, Rizana thotë se ‘Boom’ është një emision që do të sjellë një frymë të re. Ai është konceptuar ndryshe”, – tregon Rozana, sipas së cilës, ky emision është më i veçantë nga të gjithë edhe për një arsye tjetër.
“Stafi është i përbërë vetëm nga femra dhe ne themi ‘Who run the world? Girls(Kush e drejton botën? Vajzat)’. Kur një staf ka vetëm femra, mendohet se edhe fryma do të jetë shumë e mirë. Them ‘frymë e mirë’ jo se do t’i shohim gjërat me pozitivitet, por frymë e mirë në aspektin e shoë-t. Nisur që nga skenografia, kostumografia, ndriçimi, janë të gjithë këta elementë që do të sjellin diçka ndryshe”.
Rozana Radin deri tani e kemi parë si aktore, këngëtare, tekst shkruese e kërcimtare. Por, çfarë ka mbetur pa bërë dhe në cilin rol do ta shohim në të ardhmen? Këngëtarja përgjigjet: “Nuk jam bërë akoma mama, kjo ka mbetur pa bërë. Unë nuk planifikoj asgjë, nuk bëj plane në jetën time, të gjitha gjërat m’i ka sjellë Zoti”. E pyetur nëse do të bëhet nënë së shpejti, Rozana thotë: “Kush femër nuk do të bëhet nënë?! Unë, që kur kam parë mamanë time, mendoja se do bëhesha një nënë shembullore”.
