Një nga personazhet publik më të përfolur të javëve të fundit padyshim që është moderatorja Fiori Dardha. Pas debati “live” me Robert Aliajn, kolegia dhe mikja e saj Rozana Radi tregon zënkat me gazetaren.
Gjatë emisionit “Mos i fol shoferit”, Rozana shpjegoi pse vendosi që të mos ishte në dasmën e shoqes së saj.
“Ne funksionojmë shumë, kemi kimi, por jemi si ato çiftet që duhen shumë por edhe zihemi. Ne jemi mike prej dy dekadë e gjysmë, jemi zënë, jemi ndarë, jemi shkëputur e kemi gjetur veten por besoj se është një dyshe që do të funksionojë gjithë jetën”, ka thënë Rozi.
E pyetur nga moderatorja Rudina Dembacaj, nëse i kishte ardhur keq që nuk i shkoi në dasmë Rozana ka treguar me detaje momentin kur vendosi mos të ishte pjesë e ditës më të lumtur të mikes së saj.
“Unë e urova dhe pashë që ajo më kishte fshirë nga “Instagram”-i dhe unë nuk e dija. “Po mirë turp s’të vjen që më paske fshirë nga “Instagram”-i”, i thashë “po në dasmë si do ja bëjmë”. Ajo tha “bëj ç’të duash, ndaç hajde, ndaç mos hajde”. “Nuk vij fare” i thashë… Fiori e ka fajin”, ka thënë duke qeshur Rozana.
