Ish-kryetarja e Kuvendit, Jozefina Topalli, nuk njihet si një person i aventurës, por kjo foto na dëshmoi të kundërtën. Në vizitën e përpara disa vitesh në Kuvajt, Topalli pati mundësinë të ngiste një motor dhe të përshkonte rrugë në shkretëtirë.
Mesa mësuam Jozefina nuk e ka pasur fare të vështirë të mësojë se si ngitet një motor i tillë, madje në foto nga pamja duket se është zbavitur shumë. E veshur me pantallona të zeza dhe një bluzë jo shumë zyrtare, ajo duket se është argëtuar në shkretëtirën kuvajtiane.
Pas shfaqen anëtarët e tjerë të delegacionit, të cilët gjithashtu kanë provuar këtë eksperiencë të veçantë. Po kështu në mes të shkretëtirës nuk mungoi as një xhiro me gamile, ndërsa Topalli shfaqet me një kapele interesante beduinësh.
Jozefina Topallin përfitoi të vizitonte edhe tre vende të tjera, Bahrejnin, Katarin dhe Emiratet e Bashkuara Arabe.
