Për shkak të një skeçi të Roza Latit me Stresin në emisionin e saj “Why Not”, moderatorja dhe partnerja e Stresit, Keisi, u kapën keq me njëra-tjetrën.
Keisit nuk i pëlqeu aspak skeçi i inskenuar si arrestim i Stresit, duke u shprehur se ajo po tallej me hallet e të tjerëve.
Dy vajzat u përballën ashpër në rrjete sociale, megjithatë vendosën ta lënë me kaq këtë temë.
E ftuar në emisionin “Mos i fol shoferit”, Roza Lati ka treguar ç’ka folur me mikun e saj, Stresin, pas sherrit të bujshëm me partneren e tij.
Moderatorja tregoi se Stresi nuk ka pasur dëshirë ta diskutojë më tej këtë temë, ndaj i ka kërkuar të mos flasin për këtë.
E pyetur nga Rudina Dembacaj se pse u ofendua Keisi në këtë mes, Roza u shpreh:
“Nuk e di, ma thuaj ti! Mua nuk më takon të flas për këtë gjë sepse edhe Stresi më tha ‘O Roz nuk dua që të flasim për këtë’. I thashë ‘Ke të drejtë’.
Me thënë të drejtën ne si stafi i “Why Not”, u përpoqëm shumë ta nxirrnim Stresin sa më mirë nga ajo histori dhe të merrja një reagim të ashpër nga zonjusha, ishte një pikëpyetje shumë e madhe për mua. Por nuk mundem të flas më tej sepse nuk më takon.”- ka rrëfyer moderatorja.
Së fundmi, Keisi dhe Stresi duket se i zgjidhën të gjitha problemet e tyre dhe janë kthyer bashkë, të dashuruar kokë e këmbë me njëri-tjetrin.
