Roza Latin jemi mësuar ta shikojmë gjithmonë të qeshur dhe na ka dhënë idenë e një femre të fortë që nuk ka asnjë gjë në jetë që e ndalon. Por si të gjithë ne edhe moderatorja e njohur e emisionit “Why Not” ka momentet e saj të dobësisë. Roza ka postuar dje një video në “Instastory” ku shfaqen dyshe të ndryshme baballarësh dhe vajzash teksa ecin në altar në ditën e tyre të dasmës.
“Shumë emocionuese, e ka fajin hëna”, ka shkruar Roza sipër video-s së postuar në “Instastory”
Shumë i shpejt ka qenë reagimi i vëllait që ajo ka nga babai i saj i ndjerë, Erit, i cili i ka bërë Rozës një premtim shumë të ndjerë. Ai i ka premtuar të motrës se ndonëse ata nuk e kanë babin fizikisht, do të jetë ai që do të plotësoj çdo boshllëk të saj shpirtëror.
“Shpirti i vëllait mos u mëzit. Pavarësisht nga e kaluara, dije se duke hap derën mbase s’do të jetë babi, po do jem unë. Unë do të të përcjell te ai që ti ke zgjedh e s’ka bir nëne që del në vendin tim aty””, i ka shkruar i vëllai në një mesazh Rozës, të cilin ajo e ka publikuar në “Instastory”.
Roza e ka vlerësuar shumë gjestin e të vëllait, por gjithsesi na ka treguar se nuk ka ndërmend të bëjë dasmë.
