Kur seriali komik “Friends” transmetohej, aktorët e tij ishin ndër njerëzit më të famshëm në botë. Kjo lloj fame e ndryshon thellësisht një person. Një gjë e tillë ka ndodhur me David Schwimmer, i cili luan rolin e Ross. Ai sot është nominuar për një çmim Emmy për rolin e Robert Kardashian, nominimi i tij i parë pas 21 vjetësh.
David ishte 27 vjeç kur nisi të luajë në serialin komik dhe kalimi nga një personazh i panjohur në një super të njohur, kërkonte shumë punë dhe sakrifica.
“Ndikoi në marrëdhëniet e mia me njerëz të tjerë, aq sa mu deshën disa vite për t’i rregulluar dhe të përshtatesha me to. Si një aktor, mënyra se si unë isha trajnuar, puna ime, ishte të vëzhgoja jetën dhe njerëzit e tjerë, kështu që gjithmonë kam ecur me kokën lart, i angazhuar me të vërtetë dhe duke parë njerëzit. Efekti i të qenit i famshëm ishte e kundërta absolute: Më bëri që të fshihesha nën një kapele bejzbolli, të mos më shihnin dhe kuptova pas një kohe që unë nuk po i shikoja më njerëzit, por po mundohesha të fshihesha”.
Ai gjithashtu thotë se ishte tmerruar për faktin se do të luante në role të ngjashme si Ross përgjithmonë:
“Kishte njerëz të ndryshëm në situata shumë të ndryshme, ndërsa në emisionin tonë unë isha i njëjti djalë për 10 vjet, ju mund të mbështeteni në mua në një mënyrë të caktuar dhe më njihni – ose mendoni se më njihni”.
