Ronela Hajati nuk ndjek modën, pasi vendos që të vijë me pamjen e saj të veçantë. Por nga diku frymëzohet shpesh!
Këngëtarja publikoi një foto ku shfaqet me një vetull dhe para se të filloni me komentet negative është mirë që të kuptoni arsyen.
Ronela është frymëzuar nga Frida Kahlo, piktorja meksikane, e cila ishte një ikonë e fuqisë dhe një gjeni e artit. Frida Kahlo ndryshoi standardet e bukurisë me vetullat e bashkuara, këmbën e djathtë që ishte më e hollë se e majta dhe fustanet e saj indigjene.
Në përshkrimin e fotos së publikuar nga Ronela shkruhet: “Emri i të dashurit timë është Diego” dhe kështu i referohet dashurisë së përjetshme të Frida-s.
Diego e donte Frida-n sipas mënyrës së tij dhe ajo e pranoi pa kushte, pavarësisht se duroi shumë tradhti të tij, pa pritur se do të ndryshonte.
Dhe Ronela me këtë foto duket se na përcjell pikërisht mesazhin e Frida Kahlo-s, ta duam veten kështu siç jemi, pa u përpjekur të ndryshojmë gjë. Mesazh që duket se e kemi harruar në kohën e Instagram-it!
/Iconstyle.al
