Ronela Hajati është një nga këngëtaret më të përfolura të showbiz-it tonë. Vitet e fundit ajo ka korrur një sukses të madh në karrierën e saj muzikore, madje arriti të përfaqësonte edhe Shqipërinë në “Eurovision” këtë vit.
Epo, jo çdo gjë shkon vaj! Nga çështjet e zemrës duket se Ronela nuk është edhe kaq me fat.
Ose të paktën kjo gjë nënkuptohet nga postimet e saj. Rasti konkret, një postim i fundit i këngëtares ku shkruan:
“Dikush duhet të më bëjë të dashurohem sepse jam një grumbull gurësh pa ndjenja për momentin.”
Epo vetëm një personazh spontan si Ronela mund ta bënte një “kërkesë” të tillë në Instagram.
Më herët kujtojmë që Hajati realizoi ëndrrën e shumë vajzave. Këngëtarja takoi nga afër yllin e telenovelave meksikane, William Levy-n. Ronela mori pjesë në një mbrëmje të organizuar nga revista spanjolle “GQ España”, ku ishte i ftuar edhe aktori i preferuar i vajzave.
Artistja shqiptere ia doli të bënte edhe një foto krah për krah me Levy-n.
Nga ana tjetër, disa ditë më parë Ronela Hajati ndodhej në Londër, ku performoi për herë të parë para një publiku jo-shqiptarë. Mirëpo, gjatë kësaj kohe ajo ra pre e një vjedhje në mes të kryetytetit anglez.
“Më kanë vjedhur gjithë lekët, kartat, identitetin. Jam në mes të Anglisë dhe nuk kam identitet. Kam gjithsej vetëm 4 paund,”-shprehej ajo në një video në Instagram.
