Cristiano Ronaldo ka reaguar sërish për akuzat për përdhunimin e ish-modeles Kathryn Mayorga.
33-vjeçari mohoi gjithçka që po përflitet në media këto ditë, duke u shprehur se gruaja, po e përdor gjithë këtë situatë si një mënyrë promovimi.
“Mohoj kategorikisht çdo akuzë që po lëshohet ndaj meje. Përdhunim është një krim i neveritshëm, i cili qëndron në kundërshtim me atë çka besoj. Refuzoj të ushqej një spektakël mediatik të krijuar nga njerëz që kërkojnë të promovohen në kurrizin tim”.
Reagimi i tij erdhi fill pas një videoje të publikuar në media që tregonte futbollistin duke kërcyer në club me Kathryn. Pas këtij kërcimi festa vazhdoi deri në orët e hershme të mëngjesit në një apartament të Ronaldos në afërsi të Hotel Palms, ku Kathryn thotë se u përdhunua nga futbollisti.
Por Ronaldo shkruan se e ka ndërgjegjen e pastër, pasi është i pafajshëm:
“Ndërgjegjja ime e qetë do më lejojë të pres me qetësi rezultatet e çdo hetimi”, është shprehur ai.
