Futbollisti brazilian Ronaldinho do të martohet me dy femra në të njëjtën kohë.
38-vjeçari thuhet se jeton me Priscilla Coelho dhe Beatriz Souza në rezidencën e tij prej 5 milionë paund në Rio de Janeiro dhe po planifikojnë të bëjë hapin e radhës – me të dyja – në gusht.
Ronaldinho, emri i plotë i të cilit është Ronaldo de Assis Moreira, do të kurorëzohet në një ceremoni private në rezidencë, raportojnë mediat braziliane.
Bigamia është e paligjshme në Brazil dhe dënohet deri në 6 vjet burg, megjithatë është e mundur që martesa të jetë thjesht një ceremoni me dy gra dhe të mos regjistrohet zyrtarisht.
Ish-ylli i Barcelonës nisi të dilte me Beatrizin në 2016, por vazhdoi marrëdhënien e tij me Priscillën, e cila filloi disa vite më parë.
Sipas njoftimeve, të dy vajzat marrin një pagesë prej rreth 1.500 dollarësh nga futbollisti për ta shpenzuar sipas dëshirës.
Ai thuhet gjithashtu se gjithmonë u ble atyre të njëjtat dhurata, duke përfshirë së fundmi dhe një parfum të njëjtë gjatë një udhëtimi jashtë vendit së bashku.
Ronaldinho u kërkoi dorën për martesë dy vajzave në janar të vitit të kaluar dhe u dha atyre dy unaza.
Motra e ish-yllit të futbollit, Deisi, e cila është kundër poligamisë, ka thënë tashmë se nuk do të marrë pjesë në ceremoni.
