Eddie Redmayne dhe bashkëshortja e tij, Hannah Bagshaw, u panë në stadiumin Roland Garros në Paris të enjten, ku iu bashkuan edhe Romeo Beckham, i cili sapo u nda nga e dashura. Aktori 43-vjeçar dukej shumë stil në një pulovër të gjelbër me xhinse dhe xhaketë sportive Lacoste ngjyrë alabaster. Ndërsa Hannah, 42 vjeçe, shkëlqeu me një fustan xhins dhe syze dielli, duke pozur para se të merrte vendin në tribunën VIP.
Romeo, 22 vjeç, i cili sipas The Mail u nda me Kim Turnbull pas shtatë muajsh lidhjeje, u shfaq shumë i angazhuar duke ndjekur ndeshjen gjysmëfinale të tenisit mes Carlos Alcaraz dhe Lorenzo Musetti. Djali i David dhe Victoria Beckham ishte i veshur me kostum të errët dhe shprehte emocione të forta gjatë takimit të tensionuar.
The Mail zbuloi se romanca e Romeo dhe Kim-it u shua tri javë pas ditëlindjes së 50-të të David Beckham. Ata kishin nisur lidhjen publikisht në nëntor, pas shumë javësh shkëmbimi pëlqimesh flirtuese në Instagram. Megjithëse Kim u mirëprit ngrohtësisht nga familja Beckham, marrëdhënia e tyre përfundoi.
