Sara Hoxha dhe Ledion Liço u bekuan 1 vit më parë me një fëmijë të dytë. Dyshja e njohur u bënë sërish prindër të një djali, të cilin e pagëzuan me emrin Roman.
Deri më sot nuk kemi parë asnjë foto të portretit të vogëlushit, mirëpo familjarët e tij kujdesen që të publikojnë gjithmonë disa nga çastet më të veçanta me të. Së fundmi teze Lori ka ndarë me ndjekësit në Instagram momentin më të bukur, që të gjithë përpiqen ta fiksojnë në mendje.
Lori Hoxha ka treguar me një video se i vogli i familjes ka nisur të hedhë hapat e parë dhe për ta nuk ka emocion më të madh. Shihet se dikush e mban me duar Romanin, ndërkohë që ai ecën. Nga ana tjetër teze Lori e inkurajon duke i thënë: “Vazhdo, vazhdo”.
Sigurisht që edhe në këtë rast Lori është kujdesur që fytyra e të voglit mos të dallohet, megjithatë sërish kjo mbetet një nga videot më të ëmbla të tij.
Kujtojmë se përveç Romanit, Sara dhe Ledioni kanë edhe një djalë 4-vjeçar, të quajtur London.
