Mbrëmjen e kaluar rojet bregdetare në Vlorë kanë bërë të mundur shpëtimin e 8 turistëve serbë të cilët po udhëtonin me jaht.
“Report TV” bën me dije se jahti me të cilin ata po udhëtonin ka hasur probleme dhe kanë kërkuar ndihmë duke lëshuar sinjalin SOS.
Menjëherë pas dëgjimit të sinjalit forcat speciale janë nisur drejt jahtit me flamurin italian, i cili ndodhej 22 milje detare në veri-perëndim të Sazanit.
Për disa orë është bërë i mundur shpëtimi i tyre dhe duke i nxjerrë shëndoshë e mirë nga deti.
