Një ngjarje e rëndë tronditi kryeqytetin dy ditë më parë.
65-vjeçari, Abaz Doka abuzoi për tre vjet me një të mitur dhe e kërcënonte nëpërmjet një videoje intime.
“BalkanWeb” ka siguruar dëshminë e babait të 15-vjeçares, i cili ka dhënë më shumë detaje në lidhje me këtë histori tronditëse.
I ati thotë se Abazi ia ka ngacmuar të bijën që kur ishte e vogël, në klasë të gjashtë, por për përdhunimin e ka marrë vesh pasi fqinji i tyre shpërndau videon.
“Me historinë e abuzimit me fëmijën tim jam njohur 6 muaj më parë nga fqinjët pasi nisën të qarkullojnë videot. Ndërsa vajzën time ai e ka ngacmuar që kur ka qënë në klasën e 6-të. I hidhte fjalë. Kam shkuar kam folur me bashkëshorten e Abazit dhe me djalin. U kam thënë më ngacmon vajzën po ata thoshin është e vogël. E shihja dhe vetë që i jepte karamele dhe fërshëllente poshtë shtëpisë”,- tha ai.
Babai shtoi ndër të tjera se: “Vajza nuk e pranonte që kishte kryer marrëdhënie sepse kishte frikë. Me pas iu rrëfye të ëmës. Ndërsa Abazi për të më ulur mua dhe për tu dukur si gangester ia shpërndau videon gjithë Babrroit. Dua që shteti të veprojë dhe drejtësia ta ndëshkojë”.
Abaz Doka, 65 vjeç përdhunoi një 15-vjeçare dhe videon e aktit intim e kishte shpërndarë me tre të rinj, të cilët e shantazhonin vazhdimisht atë të kryente marrëdhënie seksuale edhe me ta.
Për një kohë të gjatë, ai shkruante në mure “Sa** K*va” derisa e reja u dorëzua dhe kreu marrëdhënie seksuale me të.
Vajza është në gjendje të rëndë psikologjike dhe nën asistencë të qendrës ARSIS ka dhënë dëshminë e saj për gjithë ngjarjen.
