Robin Thicke u martua me April Love Geary në Cabo San Lucas, Meksikë më 30 maj, rreth një javë pasi këngëtari i “Blurred Lines” i propozoi martesë partneres së tij prej shumë kohësh, me të cilën ai ka fëmijët Mia Love Thicke, 7 vjeçe, Lola Alain Thicke, 6 vjeçe, dhe Luca Patrick Thicke, 4 vjeçe.
Nusja eci në altar para të ftuarve të famshëm, përfshirë modelen Stormi Bree, Leonardo DiCaprio, sipas TMZ edhe Usher, i cili shërbente si shoqërues dhëndri.
Robin, i cili ka edhe djalin Julian Fuego Thicke, 15 vjeç, me ish-gruan Paula Patton – dhe April u fejuan për herë të parë në prag të Krishtlindjeve të vitit 2018, ndërsa ishte shtatzënë me Lolën. Megjithatë, artisti i propozoi përsëri 30-vjeçares në fillim të majit gjatë një udhëtimi në Francë, ku morën pjesë në Festivalin e Filmit në Kanë në vitin 2025.
