Robert F. Kennedy Jr., kandidati i pavarur për president në SHBA, ka shkaktuar reagime të forta pasi gjatë një interviste deklaroi se fëmijët me autizëm “nuk do të paguajnë kurrë taksa, nuk do të kenë punë, nuk do të shkojnë në një takim romantik dhe nuk do të përdorin tualetin pa ndihmë”.
Ai e cilësoi rritjen e rasteve me autizëm si një “epidemi”, duke mohuar faktin se kjo rritje vjen si rezultat i përmirësimeve në diagnostikim dhe ndërgjegjësim. Kennedy shprehu shqetësim për ndikimin që sipas tij kjo ka në të ardhmen ekonomike dhe sociale të vendit.
Deklaratat e tij janë cilësuar si të papërgjegjshme dhe ofenduese nga prindër, ekspertë të shëndetit mendor dhe aktivistë të çështjes së autizmit. Ndër të parët që reaguan ishin figura të njohura si Rosie O’Donnell dhe Holly Robinson Peete, të cilat kanë fëmijë me autizëm dhe ndanë përvojat e tyre pozitive, duke theksuar se këta persona janë të aftë të punojnë, të krijojnë marrëdhënie dhe të jetojnë të pavarur.
