Nora Istrefi dhe Robert Berisha janë padyshim një ndër çiftet më jetëgjatë të showbiz-it shqiptar. Një dashuri që është bekuar edhe me një vajzë, bukuroshen Renee.
Muzikanti i njohur, Robert Berisha ishte sot i ftuar në emisionin “Kush vjen për drekë” ku ka shfaqur aftësitë e tij në kuzhinë, por ka zbuluar edhe disa sekrete për Norën dhe jetën e tyre familjare.
I pyetur nga moderatorja e emisionit për aftësitë e Norës në kuzhinë, Roberti nuk ka ngurruar t’i nxjerrë “bojën” publikisht bashkëshortes së tij. Ai theksoi se Nora nuk di të gatuaj aspak mirë.
“Jo, Nora nuk gatuan fare, se nuk di të gatuajë mirë. Ushqehemi kryesisht jashtë sepse jemi shumë të zënë dhe drekën zakonisht e hamë tek mami. Por unë gatuaj më shpesh.”, u shpreh Roberti gjatë emisionit.
Ndërsa për të voglën Renee muzikanti i njohur tha se për të kanë punësuar një dado.
“Për Renee kujdeset një dado. Pas orës 3 që vjen nga kopshti është një dado që kujdeset për të. Ne jemi të zënë, studio, palestër, fundjavave jemi jashtë dhe kur kthhemi, kthehemi të lodhur”, shpjegoi më tej Roberti.
Ndërsa i pyetur se nëse do të donte ta zgjeronte familjen çfarë do të preferonte një vajzë apo një djalë, përgjigjja e tij ishte shumë e qartë.
“Vetëm të jetë shëndoshë, s’ka rëndësi gjinia për mua”, tha Roberti.
