Më datën 2 maj të këtij viti vogëlushi i Tunës dhe Patris Berishës mbushi 2 vjeç dhe nga fotot që publikoi dyshja në llogaritë përkatëse në Instagram gjithçka dukej perfekte.
Por a ishte Nora dhe vëllai i Patrisit, këngëtari i njohur Robert Berisha në ditëlindjen e Tianit?
Rikujtojmë se marrëdhëniet mes dy familjeve lënë për të dëshiruar, ndërkohë risjellim një deklaratë të Robertit i cili në një dalje të tijën televizive ka pohuar: “Më vjen keq për Patrisin dhe Tianin të cilët i dua shumë dhe do jem gjithmonë në gatishmëri për ta, por me Tunën nuk duam dhe nuk flasim!”
Ndërkohë së fundmi përgjatë një interviste në emisionin “1 kafe prej shpisë”, ai ka deklaruar se ka munguar në ditëlindjen e Tianit për disa arsye mjaft të forta.
Roberti ka rrëfyer se nuk mundi që të ishte prezent për shkak të pjesëmarrjes së tij në “Netët e klipit shqiptar”. Ndërkohë në vijim theksoi se as në event nuk pati mundësi që të qëndronte pasi familjarët e kishin njoftuar se babai i tij i ishte nënshtruar një operacioni në zemër.
Këngëtari nuk ishte në festën e ditëlindjes së Tianit, mirëpo ai nuk harroi që t’i bënte vogëlushit një urim të ngrohtë përmes një postimi në Insta Story: “Gëzuar ditëlindjen Tian Patris Berisha.” /revistawho.com
