Moderatori kosovar, Robert Berisha ka folur si rrallë herë për jetën e tij personale. Në një intervistë televizive, ai zbuloi diçka më tepër për jetën private dhe karrierën. Por, Roberti zbuloi për herë të parë se pse nuk e kishte bërë publike deri tani vajzën e tij të madhe, e cila tashmë është bërë 17-vjeçe.
Sipas tij, fakti që nuk e ka zbuluar më parë, ka qenë mosha e saj si dhe shton se ka dashur që ajo të rritet e më pas ta vendosë vetë nëse do që të bëhet publike edhe për njerëzit e tjerë.
“Shumë prej jetës private kam treguar, ndoshta këtë nuk kam pasur qejf për ta treguar, sepse ndoshta as ajo nuk ka qenë gati. Kam pasur qejf të rritet njëherë, që të jetë e gatshme ajo me thënë “babë, a ke qejf tani ti me u bë publike”. Tashmë është rritur dhe normal që komunikojmë, edhe normal ka pranu, edhe normal që unë që vjet për datëlindje kur i ka bërë 16 vjet, e kam postu”, rrëfeu Roberti.
Kujtojmë se Robert Berisha ka edhe një vajzë tjetër, Renne, e cila është fryt i dashurisë së tij me këngëtaren Nora Istrefi.
