Robert Aliaj ishte i ftuar dje në emisionin “Rudina” ku foli për jetën personale dhe karrierën e tij artistike. Momentalisht ai është pjesë e jurisë së spektaklit “Dance With Me”. Përpos kësaj eksperience disa vjeçare ai foli edhe për albumin e tij fotografik “Tirana horizontale”.
Roberti rrëfeu për herë të parë edhe momente nga njohja me bashkëshorten e tij Mimozën, me të cilën, siç tregon, ka qenë i dashuruar që në klasën e parë.
“Ajo kërkonte shoqen. Unë e futa në studio, i thashë ‘Hajde se ta tregoj unë ku është’, i vura shulin derës”: tregoi Roberti.
Gjithashtu ai zbuloi edhe një sekret. Mbrapa derës kishte të shkruar: “Kush futet brenda, nuk del pa lagur”. Pikërisht për këtë fjali edhe ishte arrestuar.
“Më arrestuan, sepse unë isha aty për të shkruar ‘Lavdi PPSH-së’, e jo të shkruaja ‘Kush futet brenda nuk del pa u lagur’”: tha Roberti.
Pas kësaj historie, bashkëshortja i bëri surprizë Robertit një videomesazh ku i thoshte se i mungonte dhe e pret të vijë sa më shpejt.
