Hapja e Botërorit “Rusia 2018” më 14 qershor ishte magjike por pati dhe një incident që u komentua shumë.
Robbie Williams dhe sopranoja ruse Aida Garifullina hapën botërorin me performancën e tyre të zjarrtë në skenë. Por në përfundim të performancës, këngëtari nxori gishtin dhe u kritikua shumë për këtë gjë.
Një javë pas performancës Robbie ka zgjedhur të flasë për të herë të parë për të treguar arsyen e një gjesti që u konsiderua fyes.
“Kam qenë nën presion të madh, pasi kishte mbetur edhe një minutë performancë dhe nuk e dija si ta zgjasja shfaqjen. Kështu vendosa të bëja gjestin me gisht. Nuk ishte e planifikuar. Nuk i besoj vetes dhe se di se çfarë mund të bëj në një moment”, ka thënë Williams për “This Morning” gjatë një interviste të fundit në programin e mëngjesit atje.
Nëse veprimi i Robbie Williams konsiderohet i qëllimshëm, ai mund të rrezikojë burgun, mund të dënohet për sjellje të pahijshme në publik dhe të marrë edhe gjobë.
